یکشنبه ۶ چنګاښ ۱۴۰۰ د نورستان ولایت مرکز پارون کې د ورزشي جمنازیوم او ټولنیز صالون د جوړیدو چارې پرمخ روانې دي چې په نږدې راتلونکي کې به دواړه ودانۍ ګټې اخیستنې ته وسپارل شي. ددغو دواړو پروژو (ورزشي جمنازیم او ټولنیز صالون) د جوړولو چارې د ملي پراختیا شرکت اړوندد بنایي ودانیز ریاست له لوري پرمخ وړل کیږي چې مالي لګښت یې د جمهوري ریاست عملیاتي ادارې لخوا ورکول کیږي. جمنازیم په ۲۰۰۰ متر مربع مساحت ځمکه کې جوړیږي چی په يو وخت کې به د شاوخوا ۱۵۰۰ تنه نندارچيانو د ځاییدو ظرفيت ولري او دغه راز ټولنیز صالون چې په نږدې ۷۰۰ متر مربع مساحت ځمکه کې جوړیږي په یو وخت کې به د ۱۰۰۰ تنه د ځاییدو وړتیا ولري. دیادونې وړ ده چې دیادو پرژو ترڅنګ په نورستان ولایت کې څو نورې پروژې هم دملي پراختیا شرکت له لوري تر کار لاندې دي چې یو شمیر به یې په نږدې راتلونکي کې ګټې اخیستنې ته وسپارل شي.

یکشنبه ۶ چنګاښ ۱۴۰۰ د کابل ولایت بګرامیو ولسوالۍ اړوند په قلعه احمد خان کې په پرمختللو وسایلو سمبال ښارګوټي د جوړیدو چارې پرمخ روانې دي. د غه ښارګوټی پر۸۲ جریبه ځمکه د ۴۷ بلاکونو چې ۱۶۹۲ د هستوګنې کورونه کیږي په ټولو معیارونو لکه: سوادګریز مارکیټونه، روغتیایي مرکز، ښوونځی، د موټرو تم ځای، جومات، شنه ساحه، د مرکز ګرمۍ سیستم، اور ضد سیستم، فاضله اوبو سيستم، لفټ، وړکتون او نورو اسانتیاوو په درلودلو سره د جوړیدو په حال کې دی. بګرامیو ښارګوټی چې په درېوو بیلابیلو فازونوکې جوړیږي لومړی فاز یې ۱۱ بلاکونه لري چې له تهکوۍ سره په ۱۰ پوړونوکې جوړیږي چې اوسمهال یې د ۳ بلاکونو کارونه بشپړشوي او د ۸ نورو بلاکونو د جوړیدو چارې يې۶۰ سلنه پرمخ تللي دي. ددې ښارګوټي دوهم او دریم فازو نه چې ۳۶ بلاکونه لري په دویم فاز کې یې د ۷ بلاکونو د تهداب کیندنې کارونه پیل شوي او د پاتې نورو هغو به یې په نږدې راتلونکي کې پیل شي. بګرامیو ښارګوټی چې د ملي پراختیا شرکت د کور جوړونې ودانیز ریاست له لوري جوړیږي، مالي لګښت يې د کورونو اخیستونکو لخوا د دوه او پنځو کلنو په موده کې د قسط په ډول د ور کړل شويو پيسو څخه تمويليږي. دا په داسې حال کې ده چې کابل ښار کې د دوو نورو ښارګوټو (لاله او غزنوي) رغنیزي چارې هم د ملي پراختیا شرکت له لوري پرمخ [...]

شنبه ۵ چنګاښ ۱۴۰۰ د ترکو او قلعه افضل کا نالونه چې د کمال خان بند له اصلي کانالونو څخه شمیرل کیږي د جوړیدو چارې یې د پرمختګ په حال کې دي. ددغه کانالونو عملي چارې ۶۶ سلنه مخته تللي او په ډیری برخو کې د کیندنې او ډکونې چارې بشپړې شوي دي. د ترکو او قلعه افضل کانالونو په جوړیدو سره به د ۴۹ زره هکټاره شاړه ځمکې د خړوبولو اودغه راز د کرنې پراختیا ترڅنګ په نیمروز ولایت کې د کارموندنې زمینه هم برابره شي. دغه کانالونه د ملي پراختیا شرکت بنايي ودانیز ریاست له لورې د جمهوري ریاست عملیاتي ادارې په مالي لګښت جوړیږي. کمال خان بند په افغانستان کې یوه له لویو پروژه څخه شمیرل کیږي چې څو میاشتې مخکې یې د اوبو ذخیره کولو لړۍ پیل شوې ده.

شنبه ۵ چنګاښ ۱۴۰۰ د کندهار ولایت ګمرک کې د سړو خونو جوړولو چارې ددې ولایت په هواي ډکر کې پیل شوې. دغه سړې خونې چې درې ډوله مواد (سبزیجات، درمل او خوراکي توکي) به په کې ساتل کیږي په ټولو نړیوالو معیارونو سمبال دملي پراختیا شرکت افغاني ودانیز ریاست له لوري جوړیږي، چې مالي لګښت یې د ماليې وزارت لخوا ورکول کیږي. د هوايي ډګر دغه سړې خونې په ۱۶۳۲ متر مربع مساحت ځمکه کې جوړیږي چې د ۱۵۰۰ متریک ټن موادو د ځایدو ظرفیت لري. دیادونې وړده چې په کابل،بلخ او نیمروز ولایتونو کې هم د ورته سړو خونو دجوړید چارې د ملي پراختیا شرکت له لوري پیل شوي چې په جوړیدو سره به یې د ملي سوداګرو ستونزې ترډیره بریده هوارې شي.

پنجشنبه ۳ چنګاښ ۱۴۰۰ د لاله ښار ګوټی، هغه ځای چې په ټولو پرمختللو او نړیوالو معیارونو سره کابل ښار کې جوړیږي. د لاله ښار ګوټي لس بلاکونه په ۱۵ پوړونو کې جوړیږی. دغه ښارګوټی د ټولو معیاري اسانتیاو په لرلو لکه: سوادګریزو برخو،دوکانونه، د موټرو تم ځای، جومات، شنه ساحه، د مرکز ګرمۍ سیستم، اور ضد سیستم، فاضله اوبو سيستم، لفټ، وړکتون او نورو ډیرو اسانتیاو په درلودلو سره د جوړیدو په حال کې دي. ددې ښارګوټي هر بلاک ۵۶ کورونه لري، چې ټول ټال ۵۶۰ کورونه کیږي په دوه ډوله( ساده او VIP) کې په لږ توپیر سره جوړیږي. دغه ښارګوټي د ښار د ښکلا د لا زياتيدو ترڅنګ د څه د پاسه ۵۰۰ تنو مسلکي او غیر مسلکي کارګرو ته د کار زمینه برابره کړې ده. لاله ښارګوټی د ملي پراختیا شرکت کور جوړونې ودانیز ریاست له لورې جوړیږي چې مالي لګښت يې د اخیستونکو لخوا په بیلا بیلو پړاونو کې د ور کړل شويو پيسو څخه تمويليږي. د یادونی وړده چې په کابل ښار کې د دوو نورو ښارګوټو (غزنوي او بګرامي) رغنیزي چارې د ملي پراختیا شرکت له لوري پرمخ وړل کیږي.

پنج‌شنبه ۳ چنګاښ ۱۴۰۰ د کاپیسا ولایت کوهستان دویمې حصې ولسوالۍ کې د مراد خواجه کانکریټي سړک چې ۲،۲ متره اوږدوالی او ۴،۵ متره پلنوالی لري د جوړیدو چارې یې په چټکۍ سره پرمخ روانې دي. دغه سړک چې د ملي پراختیا شرکت اړوند افغاني ودانیز ریاست له لوري جوړیږي، مالي لګښت یې د پلازمېنې زون د پراختيا ادارې لخوا ور کول کیږي. ددې پروژې د جوړیدو عملي چارې ۱۸ سلنه پرمخ تللي چې د خمروبا سیمه د مرادخواجه له سیمې سره نښلوي او شاوخوا ۱۰۰۰ کورنۍ به له دې کانکریټي سړک څخه ګټه پورته کړي. د یا دونې وړده چې ټاکل شوې په نږدې راتلونکي کې ملي پراختیا شرکت د سړکونو رغولو لسګونه پروژې په بیلابیلو ولایتونوکې پیل کړي.