شنبه ۱۹ چنګاښ۱۴۰۰ ملي پراختیا شرکت د ولسمشر محمد اشرف غني د هدایت په اساس، د اوبو منابعو نه د ګټې اخیستلو، د وارداتو کمول او د برق ستونزې د حل په موخه د کابل ولایت سروبي ۲ بندعملي چارې په سروبي ولسوالۍ کې پیل کړي. دغه بند د ۱۸۰ میګاواټه بريښنا د تولید وړتیا لري چې مالي لګښت يې د ملي پراختیا شرکت له خوا ورکول کیږي اورغنیزې چارې یې د همدې شرکت اړوند افغاني ودانیز ریاست پرغاړه لري. د سروبي ۲ بند دجوړیدو چارې د ملي پراختیا شرکت له لوري په داسي حال کې پیل کیدونکې دي چې کابل ښار د بریښنا له کمبود سره مخ دی او ددې بند په جوړولو سره به د پلازمینې دا ستونزه ترډیره بریده هواره شي.

پنجشنبه ۱۷ چنګاښ ۱۴۰۰ هغه لیدنه چې د ملي پراختیا شرکت عمومي اجراییوي رییس عبدالرحمن عطاش ددې شرکت د څلورګونو ودانیزو ریاستونو له مرستیالانو، صکوکو مطبعې اود دارالامان اداري کمپلکس پروژو له مسؤلینوسره درلوده د پروژو پراوسني وضعیت او اهمیت خبرې وکړې، هغوی ته یې لارښوونه وکړه؛ ترڅو د یادو پروژو په تطبیق کې تخنیکي مسایل اوسرعت په پام کې ونیسي. په دې لیدنه کې د پروژو مسؤلینو ژمنه وکړه چې د پروژو په تطبیق کې به د رهبرۍ سپارښتنې په بشبړه توګه عملي کړي. د دارالامان اداري کمپلکس او صکوکو مطبعې پروژې له مهمو پروژو څخه شمیرل کیږي چې په بشپړیدو سره به یې د هیواد والو ډیرې ستونزې هوارې شي.

پنجشنبه ۱۷ چنګاښ ۱۴۰۰ د ارزګان ولایت مرکز ترینکوټ څخه د کندهار ولایت شاولیکوټ ولسوالۍ پورې د ۲۴ کیلومتره سړک د جوړیدو او اسفالت چارې د سیمه ییزو چارواکو او اوسیدونکو له لوري پیل شوې. دغه سړک د ملي پراختیا شرکت افغاني ودانیز ریاست له لوري جوړيږي چې مالي لګښت یې د ټولګټو وزارت لخوا ورکول کیږي. ددغه سړک د جوړیدو او اسفالت ترڅنګ به دغځیدلي سړک په اوږدو کې بیلابیلو ځایونو کې پلونه، پلچکونه او د اوبو لښتي هم په پاخه او اساسي ډول جوړشي یاد سړک یو له مهمو اوحیاتي پروژو څخه ګڼل کیږي چې په جوړیدو سره به یې ددې سړک په اوږدوکې د اوسیدونکو د تګ را تګ ستونزې هوارې شي.

چهارشنبه ۱۶ چنګاښ ۱۴۰۰ دملي پراختیا شرکت اجراییوي رییس عبدالرحمن عطاش له پروژو څخه دلیدنو او ارزونو په لړ کې نن د صکوکو مطبعې نوې ودانۍ او ملي پراختیا شرکت کمپلکس له رغنیزو چارو څخه لیدنه وکړه . په دې لیدنه کې ښاغلي عطاش د دواړو پروژو دکار له پرمختګ څخه خوښي څرګنده کړه او اړونده مسؤلینو ته یې لارښوونه وکړه؛ څو دکارونو کیفیت، دقت او سرعت په پام کې ونیسي دملي پراختیاشرکت عمومي رییس دصکوکو مطبعې له پروژې څخه دلیدنې پرمهال وویل دغه پروژه به په پرمختللو وسایلو سمبال جوړه شي؛ څو ټول ارزښت لرونکي اسناد په بشپړ امنیت سره د هیواد په داخل کې چاپ شي. دغه ودانۍ د ملي پراختیا شرکت بنایي وادنیز ریاست له لوري جوړیږي چې مالي لګښت يې مالیې وزارت لخوا ورکول کیږي. د صکوکو مطبعې بنسټ د امیر عبدالرحمن خان په وخت کې د ارګ په شاهي باغ کې کیښودل شو او یوازینۍ دولتي مطبعه ده چې دچاپ په برخه کې تردې مهاله فعالیت لري.

چهار شنبه ۱۶ چنګاښ۱۴۰۰ د حامد کرزي نړیوال هواي ډګر رغنیزې چارې ۹۵ سلنه بشپړې شوي او ډیر ژر به يې کارونه پای ته ورسیږي. دغه دیوال چې ۱۷۰۰ متره اوږدوالی او ۵ متره لوړوالی لري د ټولو اړینو ملحقاتو سره لکه: ۱۱ د ساتنې زرهي (ګادرټاور) برجونه، (وي،آی،پي) ساحه، سیوري جوړونکي، د اوبو فواره، پیاده روونه، شنه ساحه او ۴۶۰ متر مربع کانال او سړک د جوړیدو په حال کې دي. د حامد کرزي نړیوال هواي ډګر او اړین ملحقات يې د ملي پراختیا شرکت بنايي ودانیز ریاست له لوري د جمهوري ریاست عملیاتي ادارې په مالي لګښت جوړیږي. دغه دیوال په داسې حال کې د ملي پراخیتا شرکت له لوري جوړیږي چې دغه شرکت په هیواد کې دسلګونو ودانیزو پروژو د جوړیدو چارې روانې دي.