پنجشنبه ۶لیندۍ ۱۳۹۹ هرات کې د مازدار خان حوض چې د دې ولایت په نهمه ناحيه کې موقعیت لري؛ هیواد کې یو له تاریخي او لرغوني اثار کڼل کیږي. دا حوض چې ویل کیږي د تیموریانو دورې پورې تړاو لري، هلته د اوبو د کمښت له کبله د اوبو زیرمه کولو په موخه، د ۸۵۰ او ۹۱۱ قمري کلونو ترمنځ ودان شوی دی. د مازدار خان حوض چې د وخت په تیریدو او بې غورۍ له امله د ویجاړیدو او لمنځه تلو په حال کې وو، د اطلاعاتو او کلتور وزارت په مالي ملاتړ ېې د بيا رغونې او ترمیم چارې د ملي پراختیا شرکت، د افغاني ودانیزه تصدۍ پرمخ وړي. دمګړۍ ددې حوض په رغنیزو چارو کې نږدې ۷۵سلنه پرمختګ شوی او د پاتې کارونو له بشپړیدو وروسته به پرانیستل شي. دا حوض چې د سیمې خلکو ته د اوبو رسولو په موخه جوړ شوی وو، ۱۲.۲ متره اوږدوالی او ۷.۳ متره پلنوالی لري، له کلونو راهیسي له کاره لویدلی وو او ځایي خلکو په ځانګړي ډول له ۱۳۵۰ هجري لمريز را وروسته د ژورو څاګانو د کیندلو له لارې خپلې اړتیا وړ اوبه پوره کولې.

چهار شنبه ۵ لیندۍ۱۳۹۹ د ننګرهار وادي کرنیز شرکت (کانال) چې ملي عایداتي سرچینه بلل کیږي او د ۷۰ کیلو متره اوږدوالي په درولودو سره، د افغانستان په ختیځ کې تر ټولو ډيره کرنیزه ځمکه په واک کې لري، ډیره برخه ځمکه ېې له کلونو راهیسې له کرنې او ګټې اخیستنې پاتې او بیا چمتو کیدو ته ېې اړتیا درلوده. په همدې تړاو تیره ورځ عبدالخیلو سیمه کې د هډې فارم د شاوخوا ۱۷۰هکتاره ځمکې له ډلې،۲۲۰جریبه ځمکه ېې کرنیزو فعالیتونو ته د بیا چمتو کونې په موخه، د ننګرهار وادي کرنیز شرکت د مشر انجنير عبدالقهار حېدري په شتون کې زهير اسحاق قراردادي شرکت ته د پنځو کلونو لپاره په قرار داد ورکړل شوه. دمګړۍ به یاد قرار دادي شرکت، د ننګرهار کانال په تخنيكي همکارۍ سره شاوخوا اتیا جريبه ځمکه، کرنيزو فعاليتونو ته چمتو کوي او هلته به د ماهيانو حوضونه د هېوادوالو د سالمې تفريح لپاره پارک، او د کرکټ لوبغالی هم جوړوي او څیرمه به د کونړ سيند د تخريبي څپو د مهارولو لپاره استنادي ديوالونه او اړوند چارې هم پرمخ وړي. د یادونې وړ ده له کله راهیسې چې د ننګرهار وادي کرنیز شرکت مسؤلیت د ملي پراختیا شرکت ته سپارل شوی، ددې شرکت او د ننګرهار کانال رهبرۍ، د کانال د پراختیا او له اړوند ځمکو څخه ېې د ښې استفادې په موخه هلې ځلې پیل کړي چې ورسره د مېوو، لبنیاتو او نورو [...]

چهار شنبه ۵ لیندۍ ۱۳۹۹ د ملي پراختیا شرکت د تدارکاتو ریاست، دې شرکت پورې د اړوند تصدیو تدارکاتي کارکوونکو ته، په تدارکاتي برخو کې د وړتیا او ظرفیت لوړونې په موخه دوه ورځنی روزنیز ورکشاپ په لار واچوه. دا ورکشاپ کې چې نن د ملي پراختیا شرکت په تالار کې ددې شرکت د مالي او اداري مرستیال ښاغلي ډاکټر ضیاءالله شفیق، دفتر رییس وحیدالله رحمدل او د شرکت د تدارکاتي څانګو د مسئولینو او کارکوونکو په ګډون سره پرانیستل شو؛ پکې د بنايي، افغاني، کور جوړونې، هلمند او ارزاقو تصدیو نږدې ۲۰ تنو تدارکاتي کارمندانو برخه اخیستې. په دې دوه ورځني ورکشاپ کې به ګډونوالو ته لکه د مالي، جنسي محاسبې او اړوند اسنادو د پروسس او پروژو د پروسې طی کولو او ترسره کولو په تړاو روزنه ورکړل شي، چې وبه شي کولی د تدارکاتي پروسې د چټکتیا او رڼښت به برخه کې ګټور تمام شي.

سه شنبه ۴ لیندۍ ۱۳۹۹ د یتیمانو او بیوزلو کورنیو د ماشومانو د روزنې او پالنې لپاره دا روزنتون چې لیلیه، ښوونځی او کلنیک لري، د ملي پراختیا شرکت د کور جوړونې ریاست لخوا ېې ودانیزې چارې روانې دي او پکې ۹۰ سلنه پرمختګ شوی. ددې روزنتون ودانۍ له وړاندې جوړو قطعاتو یا ټوټو څخه په استفادې، د ښارجوړونې او ځمکو وزارت په مالي ملاتړ جوړیږي، چې له پرانیستو سره به نږدې ۲۵۰ تنه ماشومانو ته د روزنې اړوند لازمي اسانتیاوي موجودې وي رامنځته کړي. همداشان د ملي پراختیا شرکت لخوا له تخار سربیر، په جوزجان، نورستان، لوګر، تخار او دایکندي ولایتونو کې د روزنتونو په جوړولو چارې روانې دي.

دوشنبه ۳ لیندۍ ۱۳۹۹ د ملي پراختیا شرکت لخوا د کنړ ولایت شیګل ولسوالۍ په موڼي کلي کې، یو باب جومات تر ودانیزو چارو لاندې دی. یاد جومات، اودس ځای، شنه سیمه او انګړ لري او د هغو جوماتونو له ډلې څخه یو دی چې د ولسمشر په لارښوونه، د جمهوري ریاست د ملي پراختیا عملیاتي او ملاتړې ادارې په مالي ملاتړ، د ملي پراختیا شرکت د بنايي ودانیزې تصدۍ لخوا د هیواد د ولسوالیو په کچه جوړیږي. ددې جومات تر څنګ د کنړ ولایت په مرکز او ولسوالیو کې هم په یو یو محراب جومات د جوړېدو چارې روانې دي

دوشنبه ۳ لیندۍ ۱۳۹۹ د ختیځ زون۶۰۰ بستره روغتیايي کمپلکس ودانیزې کارونه په معیاري ډول پر مخ روانې دي. ددې کمپلکس د بنسټ ډبره د ۱۳۹۷کال چنګاښ میاشت د ولسمشر محمد اشرف غني لخوا د جلال آباد ښار د شپږمې ناحیې په ۲۷۰جریبه مساحت ځمکه کې کیښودل شوه. دا کمپلکس چې د ۳۵۰ او ۲۵۰بستریزو لویو ودانیو په شمول، اته عصري او مجهزې ودانۍ لري، ودانیزې چارې ېې د جمهوري ریاست د ملي پراختیا د عملیاتي او ملاتړې ادارې په مالي ملاتړ، د ملي پراختیا شرکت، د بنايي ودانیزې تصدۍ لخوا پرمخ وړل کیږي. دا کمپلکس د ناروغانو لپاره د بیلو روغتیايي او تشخصیه څانګو د درلودو ترڅنګ، د ناروغانو او د ناروغ لرونکو د هوساینې او چوپړتیاوو لپاره انتظارخونو او جومات په څیر برخې هم لري، چې له پرانیستو سره به ېې په اړوند برخو کې د ختیځ زون د اوسیدونکو ستونزې حل شي. دا مهال ددې تر ټولو لوی روغتيايي کمپلکس ودانیزې کارونه، په ښه او لوړ کیفیت سره پر مخ روان دي چې د یوشمیر ودانیو په چارو کې ېې ښه پرمختګ شوی او ځينې ېې د بشپړیدو په حال کې دي