دوشنبه ۳ غبرګولی ۱۴۰۰ پلخمري کې د اجمیر بریښنا بند کانال چې څه د پاسه ۲۶ کلیو متره اوږدوالی لري،ددوه بندونو(لومړی اودویم بند) درلودونکی ده. دغه کانال له اوږدې مودې راهیسې د اوبو د مدیریت په برخه کې له تخنیکي ستونزو سره لاس او ګریوان وه، چې اوسمهال د ملي پراختیا شرکت د هلمند ودانیز ریاست لخوا ددې کانال ځینې برخې بیا رغول شوي، چې د دیوالونو ترمیم، دپرچاوۍ دروازې او د اوبولګولو سیستم معیاري کول په کې شامل دي. ددې کانال مالي لګښت د اوبو چارو د تنظیم ملي ادارې له لوري ورکړل شوی. داجمیربریښنا بند کانال فعال شوي توربینونه د۱۶ میګا واټه بریښنا د تولید وړتیا لري او په ګټې اخیستنې سره به یي زرګونه هکتاره ځمکې خړوبولو چارې بیا پیل شي.

دوشنبه ۳ غبرګولی ۱۴۰۰ دهرات پوهنتون لیلې د جوړیدو چارې بشپړې شوي او په نږدې راتلونکي کې ګټې اخیستنې ته سپارل کیږي، دغه لیلیه د ملي پراختیا شرکت دبنایي ودانیز ریاست له لوري د جمهوري ریاست عملیاتي ادارې په مالي لګښت جوړه شوې. یاده لیلیه،چې له تهکوۍ سره په شپږو پوړونو کې داوسني عصر په معیارونو جوړه شوې، د۱۰۰۰ تنه محصلینو داوسیدو ظرفیت لري. دیادونې وړده چې اوسمهال د هیواد په څو ولایتونوکې د ۱۷ بابه نورولیلیو د جوړیدو چارې هم روانې دي، چې ډیری یې ګټې اخیستنې ته چمتو دي او په پرانیستو سره به یې د محصلینو د اوسیدو ځایونو ستونزې هوارې شي.

یکشنبه ۲ غبرګولی ۱۴۰۰ کابل پوهنتون کې دوه بابه لیلې چې هریوه یې د ۱۰۰۰ تنه محصلینو دځایدو ظرفیت لري دجوړیدو چارې یې بشپړې او ګټې اخیستنې ته چمتودي. دغه لیلې چې دجمهوري ریاست عملیاتي ادارې په مالي لګښت او دملي پراختیا شرکت دبنایي ودانیز رایاست له لوري جوړې شوي، ۲۶ دخوب خونې، ۲ روغتیایي مرکزونه، جومات، خوړنځای، دلوبو صالون،اداري او معلوماتي څانګه،دکنفرانس اطاق، پخلنځی او معیاري تشنابونه لري. دا لیلې په ۱۴۰۰ مربع متر مساحت ځمکه کې، له تهکوۍ سره په شپږو پوړونو کې جوړې شوي دي. دیادونې وړده چې اوسمهال د هیواد په څو ولایتونوکې د ۱۷ بابه نورولیلیو د جوړیدو چارې هم روانې دي، چې ډیری یې ګټې اخیستنې ته چمتو دي او په پرانیستو سره به یې د محصلینو د اوسیدو ځایونو ستونزې هوارې شي.

یکشنبه ۲ غبرګولی ۱۴۰۰ څرنګه چې د وخت په تیریدو سره پلازمینه کابل کې د یوشمیر روغتونو نو و دانۍ او ځینې نورې برخې زیانمنې شوي، خلکو ته دغوره روغتیايي خدمتونو د وړاندې کولو په موخه بیا رغول کیږي. دغه روغتونونه چې شمیر یې ۲۱ ته رسیږي لکه: نور، شیخ زاید، معلولین، جمهوریت، ابن سیناعاجل، ابن سینا صدری، دخیرخانې ۱۰۲ بستریز، ستوماتولوژي، رابعه بلخي، انتاني، وزیر محمد اکبر خان، پولي کلینیک، اتاترک، جناح، ملالۍ، صحت رواني، صحت طفل، استقلال، دبرچي ۱۰۰ بستریز، افغان- جاپان او د برچي ۵۰ بستریز روغتونونه په کې شامل دي، چې د جمهوري ریاست عملیاتي ادارې په مالي ملاتړ جوړیږي او رغنیزې چارې یې د ملي پراختیا شرکت اړوند دافغاني ودانیز ریاست له لوري پرمخ وړل کیږي. دغه ودانیز فعالیتونه چې اوسمهال په یادو روغتونو کې پيل شوي د پلستر کارۍ، کاشي کاري، رنګمالي، د ویجاړ او زیانمنو شوو برخو بیا رغونه، د بریښنا سیستم ترمیم او تنظیم ترڅنګ نورو اړینو برخو باندې یې کارونه ګړندي روان دي. دملي پراختیا شرکت مسئولین هڅه کوي؛ ترڅو دیادو روغتونونو دبیارغونې او ترمیم کارونه بشپړ او بیاځلي ېې د خدمت په موخه چمتو کړي.

شنبه ۱ غبرګولی ۱۴۰۰ دملي پراختیا شرکت د نورو فعالیتونو په دوام د ننګرهار وادي کرنیز ریاست اړوند ځمکوکې د ۱۰۰۰ په شاوخواکې د شنو خونو جوړولو هوډ لري، چې اوس مهال پر ۲۰۰ هغویې کار روان ده او تردې مهاله څه د پاسه ۶۲ شنې خونې جوړې اوګټې اخیستنې ته چمتوشوې دي . دننګرهار وادي کرنیز ریاست مسؤلین وایي دوی هڅه کوي، چې ددې شنو خونو په جوړولو سره تولیدات لوړ او د بیکارۍ کچه راټیټه کړي. اوسمهال دننګرهار وادي کرنیز ریاست دهډې فارم په شنو خونوکې د بادرنګو، رومي بادنجانو، دلمه مرچو او ټینډو حاصلات خرڅلاو ته تیارشوي،چې په وینا یې له دې شنو خونو څخه به په یوفصل کې څه دپاسه ۱۸ میلیونه افغانۍ عواید تر لاسه شي . دا په داسې حال کې ده چې په ملي پراختیا شرکت کې دننګرهار وادي کرنیز ریاست په مدغم کیدو سره، په یاد ریاست کې د پخوا په پرتله کارونه منظم،مسلکي،چټک اوبهتر شوي دي.

پنجشنبه ۳۰ غویی ۱۴۰۰ دملي پراختیا شرکت مسؤلینو دکابل ښار ۱۱مې او ۱۷ مې ناحیو نښلوونکي سړک څخه لیدنه وکړه او ددې پروژې له کارونو اوپرمختګ څخه یې خوښي څرګنده کړه. دملي پراختیا شرکت مالي او اداري معاون ډاکټر ضیاالله شفیق، د پلازمینې زون پرمختیایي ادارې ریس نجیب الله شینواري، د افغاني ودانیز ریاست ریس اسامه مبشر او ورسره مل پلاوي دپروژې د کار له جریان څخه له نږدې لیدنه وکړه . ددې سړک مالي لګښت د پلازمینې زون پرمختیایي ادارې لخوا ورکول کیږي او عملي چارې یې د ملي پراختیا شرکت د افغاني ودانیز ریاست له لوري پرمخ روانې دي. یا د نوی جوړیدونکی سړک چې ۸ کیلو متره اوږدوالی او ۳۰ متره پلنوالی لري د ۱۱ ناحیې له ۳۱۵ سیمې څخه دمنشي میرغلام تر ښارګوټي پورې غځیږي چې تردې مهاله یې ۱۵ سلنه کارونه پرمخ تللي دي. ددې سړک په جوړیدو سره به د شمال لویې لارې ترافیکي ګڼه ګوڼه ترډیره بریده راکمه او خلکو ته به دتګ او راتګ په برخه کې آسانتیاوې رامنځته شي.