خبرتیا

د پل محمود استوګنیز او سوداګريز کمپلکس

Noorulhuda Niazi — Tue, 12 Aug 2025 12:13:56 +0000

غوره موقعیت
مناسبه بيه
په دوه کلنو قسطونو سره
آیا غواړئ، چې خپل ژوند په زړه ‌پورې او آرام چاپېریال کې تېر کړئ!
د پل محمود خان استوګنیز او سوداګریز کمپلکس تاسو ته دا فرصت برابر کړی دی
ياد کمپلکس د کابل ښار په زړه کې پر(۴۵۳۶) متر مربع ځمکه کې جوړېږي، چې د لاندې آسانتياوو په درلودلو سره د ګرانو هېوادوالو په خدمت کې دی:
د ۲۰۰ موټرو لپاره پراخ پارکېنګ
په سوداګریزه برخه کې ۸۰ بابه دوکانونه
له ټولو عصري آسانتياوو سره درې، څلور او پنځه اطاقه اپارتمانونه
شنه ساحه او د ماشومانو د لوبو ځای
مجهز لفټونه
مرکز ګرمي او اوبه
شرعي قباله، دولتي برېښنا، کانالېزاسیون
سونا، ورزشي کلپ، سوپر مارکېټ، جومات
امنیتي سېسټم او د ساتنې او پالنې مجهز ټیم
هر اپارتمان مجهز پخلنځی، المارۍ، تشنابونه، برېښنا، ټلوېزیوني، انټرنېټي او ټلېفوني ساکټونه لري.
همدا نن اړیکه ونیسئ او خپل خوبونه په حقیقت بدل کړئ!

د کمپلکس پته: پل محمود خان، دويمه ناحيه، کابل.
د خرڅلاو مرکزي دفتر پته: د کابل نړيوال هوايي ډګر شاته، قصبه، د ملي پراختيا شرکت.
د اړیکو شمېره: 0202929000 – خرڅلاو څانګه
برېښناليک: marketing.sales@ndc.gov.af
وېبپاڼه: www.ndc.gov.af

ستاسو د آرام، هوسا او پاک ژوند په هيله!

The post د پل محمود استوګنیز او سوداګريز کمپلکس appeared first on د ملی پراختیا شرکت.

خبرتیا!

Noorulhuda Niazi — Wed, 12 Feb 2025 04:43:58 +0000

د ملي پراختیا شرکت پلان لري، چې د لاله استوګنیز ښارګوټي او د بګرامیو ښارګوټي لومړی فاز د ۱۴۰۴ لمریز کال په لومړۍ او دویمه ربع کې افتتاح او پېرودونکو ته وسپاري.

نو ټولو هغو پېرودونکو ته، چې د لاله او بګرامیو استوګنیزو ښارګوټو کې یې اپارتمانونه اخیستي او تر اوسه یې پاتې قسطونه نه ‌دي تحویل، خبر ورکول کېږي، چې له دې خبرتیا وروسته باید د پاتې قسطونو د ورکړې لپاره د روان ۱۴۰۳ لمریز کال د کب(حوت) میاشتې تر ۳۰مې نېټې پورې د کابل ښار قصبې سیمه کې د ملي پراختیا شرکت خرڅلاو څانګې ته مراجعه وکړي او خپل پاتې قسطونه تحويل کړي.

که پاتې قسطونه تر ټاکلې نېټې پورې ور نه‌ کړل شول، نو د خرڅلاو څانګې د طرزالعمل له مخې، اپارتمانونه به مسترد او نويو پېرودونکو ته ورکړل شي، چې بيا هېڅ پخوانی پېرېدونکی د شکايت حق نه‌لري.

The post خبرتیا! appeared first on د ملی پراختیا شرکت.

خبرتیا

Noorulhuda Niazi — Sat, 02 Jan 2021 04:05:38 +0000

د ملي پراختیا شرکت د کار اساسي فلسفه، د هیواد د دوامدارې پراختیا، هوساینې او پرمختګ لپاره، د اړینو او لمړیتوب درلودونکو بنسټیزو پروژو په عرضه او پلي کولو کې، د علومو، ټیکنالوژۍ او شته تجربو کارول تشکیلوي.

د واحد مدیریت او د پروژو د چارو تخصصي کولو په موخه، د ملي پراختیا شرکت د لمړي ځل لپاره خپل ټول پراختیايي پروګرامونه او پروژې چې په ودانیزو، تولیدي، کرنې او انرژۍ برخو کې ېې فعالیت درلود، د یو واحد الکترونیکي معلوماتي او مدیریتي سیستم لاندې راوستې او په همدې اساس د پروژو ټولې چارې او د ودانیزو او اړینو توکو د چمتو کولو او پیرود په موخه ېې د تدارکاتي پړاوونو ترسره کول، د دې سیسټم لخوا اجرا، مدیریت او څارل کیږي.

د ملي پراختیا شرکت د مشرتابه لیدلوري په پام کې نیولو سره یاد سیسټم، د تدارکاتي او د توکو او اجناسو د پیرود بهیر د لا روڼتیا لپاره، دا برخه هم د الکترونیکي سیسټم له لارې اجرا کوي، کوم چې د تدارکاتي پروسو روڼتیا او چټکتیا تضمینوي.

په همدې موخه د ملي پراختیا شرکت د لا اسانتیا او روڼتیا په هدف خپل تدارکاتي سیسټم د الکترونیکي راکړې ورکړې قانون په رڼا کې ډیزاین کړی؛ خبرتیاوې او د پیرود کڅوړې لاسته راوړل (کوتیشنونه) له دې طریقه، د ۱۴۰۰مالي کال له پیله مدیریت او ترسره کوي.

په همدې موخه ټولو شرکتونو ته خبر ورکول کیږي څو د تدارکاتي خبرتیاوو ترلاسه کولو لپاره د ملي پراختیا شرکت ویب پاڼې له لارې ځانونه راجستر کړي.

#د_ډیجیټلي_فورمې_پته:

دې WWW.NDC.GOV.AF ویب سایټ ته ولاړ شئ د فرصتونو په مینو کې د خصوصي شرکتونو د ثبت برخه وټاکۍ او په اړوند لینک کې ښکاره شوې فورمه په دقیق ډول ډکه کړۍ او پای کې د ثبت ټاکنه ووهۍ، بیا د مبارکۍ پیغام ترلاسه کوۍ! تاسو به اوس یو بریښنالیک ترلاسه کړئ چې ستاسو د شرکت راجستر تصدیق کوي.

له دې وروسته به تاسو د ملي پراختیا شرکت ټول تدارکاتي اعلانونه خپل بریښنالیک کې له info@pmisndc.gov.af څخه ترلاسه کړئ.

The post خبرتیا appeared first on د ملی پراختیا شرکت.