‏سمنټ غوري،‏ هویت بغلان‏ تر سرلیک لاندې ‏د ‏بغلان د مدني ټولنو‏ لخوا جوړې شوې غونډه کې د غوري سمنټو له مشرتابه او کارګرو څخه ستاینه وشوه او‏ له ‏فعالیتونو‏ ‏څخه ېې خوښي وښوده.

‏په دې ستاینغونډه کې چې‏ دغوري سمنټو فابریکو د مشر‏ ‏ښاغلي ‏ریاض الدین‏ شریفي، د بغلان د ولا‏یتي شورا منشي‏، ‏د بیلابیلو مدني ټولنو استازو، خبریالانو، لوبغاړو، س‏ینماګرانو‏ ترڅنګ‏،‏ د ‏غوري سمنټو ‏فابریکو‏ یوشمیر کارکوونکو‏ او کارګرو هم ګډون کړی وو‏، په ترڅ کې ېې ‏د بغلان د ولایتي شورا منشي محمد حنیف کوه ګدای‏ او‏ ‏د‏ ‏مدني ټولنو په استازیتوب نوید شکور زاده‏ او یو شمیر نورو ویناوالو ‏خبرې وکړې‏ او‏ ‏د غوري سمنټو فابریکو‏ د رییس‏ ‏له‏ فعالیتونو او ‏د ‏کارګرو ‏له ځ‏یار‏ ‏ایستنې ‏څخه ېې‏ ‏ستاینه‏ ‏وکړه او د‏ ‏غوري سمنټو فابریکو د فعالیتونو د پراختیا او هلته ېې د ترقي بڼ له جوړیدو څخه خوښي وښوده.

‏ویناوالو‏ ‏هر یو په خپل وار سره د ملي پراختیا شرکت، د غوري سمنټو فابریکو له مشرتابه سره د هر راز همکارۍ او تر څنګ ېې د دریدو د ډاډ سربیره وویل: د هغو زورواکو مخه باید ډب شي چې د غوري سمنټو فابریکو په کارونو کې خنډ جوړه وي او د لا پراختیا مخه ېې نیسي.

‏د دې ناستې په ترڅ کې ‏دغوري سمنټو فابریکو مشر ښاغلي ریاض الدین شریفي‏ ‏د فابریکې ‏له ټول‏ ‏کاري پرسونل او ‏په ‏اړوند برخه کې د بغلان له‏ خلکو ‏مننه وکړه ‏او د ملي پراختیا شرکت تر رهبرۍ لاندې ېې د غورۍ سمنټو د فابریکو د لا پراختیا او سمون ژمنه وکړه‏ او وېې ویل له هغې وروسته چې ددې فابریکو مسئولیت د ملي پراختیا شرکت ته سپارل شوی ‏د ‏فعال‏یتونو او تولیداتو کچه ېې‏ لوړه شوې او ډير ژر به خپل پخوانی نوم اوځای ترلاسه کړي.

‏د ناستې په پای کې ‏د مدنې ټولنو او خلکو لخوا د غوري سمنټو په مشر او یو شمیر کارګرو ستاینلیکونه وویشل شول‏ او‏ هغوی ته ېې په کار کې د لا بریاوو هیله وکړه.

له کله نه چې د ننګرهار وادی کرنیز شرکت مسئولیت د ملي پراختیا شرکت ته سپارل شوی د رهبرۍ او مسئولینو د ښې پاملرنې له امله ېې ټولې تولیدي او کرنیزې برخې د پراختیا په خوا روانې دي، چې یو له هغو څخه د خُرماوو بڼونه او حاصلات دي.

لکه څنګ چې اټکل کیده سږکال به د تیر کال په پرتله د ننګرهار کانال اړوند د خُرما بڼو حاصلات څو چنده زیات وي همداسې وشول او دا کال له دې بڼ څخه کابو ۷ټنه خُرما راټوله شوه.

د ننګرهار وادی کرنیز شرکت مشر عبدالقهار حیدري د کرنيزو پلانونو او اسانتياوو د برابرولو ترڅنګ، ثمر ته د تازه بوټو رسیدل او د کاري ټیم هڅې هغه لاملونه بولي چې د خرماوو د حاصلاتو په زياتوالي ېې ښه اغیز کړې.

همداراز ښاغلی حیدري زیری ورکوي ننګرهار ولایت کې د خرماوو ښه حاصل ته په کتو، پلان لري چې راتلونکی کال په ۱۸۰جریبه ځمکه کې د خرما لس زره تازه نیالګي کینوي چې په دې سره به له یوې خوا په هیواد کې د خرماوو حاصلات لوړ شي او له بل پلوه به خلکو ته د دایمي او لنډ مهالي کار زمینه هم برابره شي.

د یادونې وړ ده چې تیرکال له دې بڼ څخه ۷۰۰ کیلو خرما راټوله شوې وه او دا بڼ شاوخوا لس کاله وړاندې د وادې کرنيز شرکت له لوري د هډې فارم د دويم بلاک په ۴۰ جریبه ځمکه کې جوړ شو چې دمګړۍ ۲۷۰۰ ونې لري.