پنجشنبه ۲۰ لیندۍ ۱۳۹۹ د هلمند ولایت مرستیال بسم الله روحاني او د دې ولایت د بیلابیلو څانګو رییسانو پروان ولایت ته په خپل سفر کې د جبل السراج له تاریخي ماڼۍ څخه لیدنه وکړه. د هلمند ولایت د ټولنیزو او فرهنګي چارو مرستیال او ورسره مل پلاوي د جمهوري ریاست د ملي پراختیا عملیاتي او ملاتړې ادارې او ملي پراختیا شرکت لخوا د جبل السراج ماڼۍ د بیارغونې له امله مننه وکړه او له دې امله چې ددې ماڼۍ په بیارغونه کې له کورنیو موادو په ځانګړي توګه د هلمند له رُخام ډبرو استفاده شوې، خوښي څرګنده کړه. په ورته وخت کې د دې ولایت والي فضل الدین عیار، پروان د سیاحت په سکتور د پانګونې لپاره مناسب ځای یاد کړ او ددې ولایت د اطلاعاتو او فرهنګ رییس راغلو میلمنو ته د جبل السراج ماڼۍ د تاریخ او لرغونتیا په هکله معلومات ورکړل او د دغه تاریخي هویت د بیارغونې له امله یې خپله خوښي څرګنده کړه.

پنجشنبه۲۰ لیندۍ کندهار ولایت کې د ځمکو او قوالو ودانۍ چې د ښار جوړونې او ځمکو وزارت په مالي ملاتړ د ملي پراختیا شرکت د بنايي ودانیزې تصدۍ لخوا جوړیږي، پرانیستو ته نږدې دی. دا پروژه چې په بشپړو امکانانو او لوړ انجنیري معیارونو سره جوړه شوې، په پرانیستو سره به ېې وخت له ضایع کیدو څخه مخنیوی وشي او مراجعین به وشي کولی خپلې ټولې اړونده کاري اړتیاوې پدې ودانۍ کې تعقیب کړي. دا په داسې حال کې ده چې ددې ولایت سربیره د ملي پراختیا شرکت په پنځو نورو ولایتونو کې د ځمکو او قوالو ودانۍ د جوړولو عملي چارې پرمخ وړي، چې ځینې ېې پرانیستو ته چمتو دي.

د ملي پراختیا شرکت د رهبرۍ د شوو ژمنو د پوره کېدو په لړ کې ننګرهار کانال شرکت خپلو درنو وطنوالو ته د سوچه ، خالصو او وطنې زېتونو تېلو، اچارو او اړونده نورو تولیداتو ترلاسه کونې لپاره د جلال آباد ښار په پښتونستان واټ کې رسمي مغازه پرانستله. دغه مغازه له دریو کلونو ځنډ وروسته دوباره ننګرهار کانال شرکت فعاله کړه چې له دې مخکې د یو تن قراردادي له لوري يې چارې پرمخ وړل کېدی. درانه هېوادوال کولای شي چې د ننګرهار شرکت د رسمي مامور څخه دغه وطني، خالص او سوچه تېل او اچار د ټاکلي نرخ په بدل کې ترلاسه کړي. ټاکل شوي نرخونه يې دادي. ۷۵۰ ملي لیتره د زیتونو تېلو یوبوتل په ۶۳۵ افغانۍ او ۵۰۰ ملي لیتره د زېتونو تېلو یو بوتل په ۴۲۵ افغانۍ، ۲۵۰ ملي لیتره د زېتونو تېلویو بوتل په ۲۱۵ افغانۍ ترلاسه کولای شۍ. ۵۰۰ ملي ګرامه د زېتونو اچارو یو بوتل په ۱۱۵ افغانۍ، ۳۱۴ ملي ګرامه د زېتونو اچارو یو بوتل ۷۰ افغانۍ ترلاسه کولای شۍ .

چهار شنبه ۱۹ لیندۍ ۱۳۹۹ ننګرهار ولایت کې کرنیزو محصولاتو او بڼدارۍ پراختیا ته، د ملي پراختیا شرکت او د ننګرهار وادي کرنیز شرکت د رهبرۍ او مسئولینو د رښیتينې پاملرنې له امله، د ننګرهار کانال (وادي کرنیز شرکت) اړوند زیتونو بڼونو په حاصلاتو کې د ډيروالي اټکل کیږي. د ننګرهار کانال مسئولین خوشبیني ښه يي چې سږ کال به د تېرو کلونو په پرتله د زېتونو حاصلات ډېر لوړ وي او دا کال به له څلورګونو فارمونو څخه شاوخوا ۵۰۰ ټنه زیتون راټول، چې له لسو ټنو څخه به ېې اچار او له پاتې نورو څخه به ېې تیل وویستل شي. دمګړۍ د زیتونو راټولولو لړۍ روانه ده د اچارو د پروسس مرحله پای ته رسېدلې او د تېلو پروسس لړۍ دوام لري، چې په بشپړیدو سره به ېې هېوادوال د زېتونو کیفیت لرونکي سوچه او خالص تېل او اچار، د ننګرهار وادي کرنیز شرکت (کانال) له رسمي څانګو څخه ترلاسه کړي . د یادونې وړ ده چې په ننګرهار ولایت کې د زیتونو دولتي بڼونه شاوخوا لس زره جریبه ځمکه په ځان کې رانغاړي او پکې د زیتونو څه کم دوه سوه اویا زره ونې شته چې نیمايي له پالنې وروسته په حاصل راغلي.

چهار شنبه ۱۹ لیندۍ ۱۳۹۹ د کاپیسا ولایت نجراب ولسوالۍ کې د ملي پراختیا شرکت لخوا په یو محراب جومات ودانیز کارونه روان دي چې بنسټيز کارونه ېې کابو بشپړ شوي او په پاتې برخو ېې کارونه روان دي. دا جومات چې تپه کې ښارګوټي ته څيرمه ودانیږي تر دې دمه ېې نږدې اویا سلنه ودانیز کارونه بشپړ شوي او پاتې کارونه به ېې په شاوخوا څلورو کاري میاشتو کې بشپړ شي. یاد جومات د هغو ۳۷۷بابه جوماتونو څخه یو دی چې د ولسمشر په لارښوونه او جمهوري ریاست عملیاتي او ملاتړې ادارې په مالي ملاتړ د ملي پراختیا شرکت د بنايي ودانیزې تصدۍ لخوا ودانیږي.

سه شنبه ۱۸ لیندۍ ۱۳۹۹ د ملي پراختیا شرکت د رهبرۍ په لارښوونه او د ننګرهار وادي کرنیز شرکت (کانال) د مسئولینو په هڅو، د کانال درېيم فارم کې په ۴۳ هکتاره ځمکه د ستروسو نوي باغونه جوړ چې شاوخوا ۱۴زره د مالټو نیالګي پکې کینول شوي دي. له یوې خوا د نوو باغونو پراختیا او له بل پلوه شته بڼو ته پاملرنې، د ستروسو په میوې د هیواد ځان بسیاینې هیلې پیاوړې کړي او له همدې امله سږ کال به د ننګرهار وادي کرنیز شرکت له درېيم فارم څخه شاوخوا ۱۹۰۰ ټنه ستروس (مالټې) ترلاسه شي. همداراز د ملي پراختیا شرکت رهبرۍ په دې هڅه کې ده چې په معیاري توګه د ودانیزو چارو سر ته رسولو ترڅنګ، ننګرهار ولایت کې ددې شرکت اړوند ځمکو څخه د ښې او ګټورې استفادې په موخه، خپل لنډ مهالي او اوږد مهالي پلانونه په ښه شان سره پلي کړي، چې له یوې خوا به په کرونیزو محصولاتو په پردیو اتکا کمه کړي او له بل اړخه به خلکو ته د کاري بوختیا پیدا کولو لامل شي.