‏د ملي پراختیا شرکت عمومي اجرائیوي رئیس محترم عبدالرحمن عطاش له خپل مل پلاوي سره د ننګرهار ولایت تورخم ته سفر وکړ او هلته یې د کډوالو په عمري پنډغالي کې د ياد شرکت له لوري د جوړېدونکي نوي اداري کمپلکس څخه لیدنه وکړه. ‏په دې سفر کې محترم عطاش د پروژې د پرمختګ څخه د ليدنې ترڅنګ له مسؤلینو، انجنیرانو، کارکوونکو او اړوندو ادارو استازو سره هم وکتل، د هغوی کړنې یې وستایلې او د چارو د پرمخ وړنې په پار یې ورته لازمې لارښوونې او سپارښتنې وکړې. ‏نوموړي ټینګار وکړ، چې د پروژې کارونه باید پر وخت او په تخنیکي معیارونو برابر ترسره شي. ‏د يادونې ده، دا نوی اداري کمپلکس، چې په ۳۲۰۰ متره مربع ځمکه کې د مخکې جوړو قطعاتو په مرسته جوړېږي، ۶۰ اداري خونې، یو عصري کنفرانس خونه، تشنابونه او نورې لازمې اسانتیاوې لري، چې په نږدې راتلونکي کې به ګټې اخيستنې ته وسپارل شي.

د ملي پراختیا شرکت عمومي اجرائيوي رئیس محترم عبدالرحمن عطاش، چې تخنیکي پلاوي او د اروزګان ولايت ځايي مسوولينو یې ملتیا کوله د اغا جان بند د تفصیلي مطالعاتو او جيوتخنيک له روانو چارو څخه د لېدنې په موخه د ياد ولایت چنارتو ولسوالۍ ته سفر وکړ. په دې سفر کې یاد پلاوي د بند له سیمې، د جيوتخنيک له روانو چارو له نږدې لیدنه وکړه او د ملي پراختیا شرکت محترم اجرائیوي رئیس ډاډ ورکړ، چې د تفصیلي مطالعاتو او جیوتخنیک له چارو څخه وروسته به د بند د ډیزاین چارې هم پيل شي. دغه راز د اروزګان ولایت سیمه‌ییزو چارواکو او ولسونو له مرکز څخه د راغلي لوړپوړي پلاوي هرکلی وکړ او د پروژې د بریالیتوب لپاره یې د هر راز همکارۍ ډاډ څرګند کړ.

پنجشنبه ۱۴۴۶ ھ ق کال شوال ۵مه/ ۱۴۰۴ هـ ش د وري په ۱۴مه نېټه د ملي پراختیا شرکت عمومي اجرائیوي رئیس عبدالرحمن عطاش د ملي شرکت د غونډو په تالار کې د تېر شوي نېکمرغه کوچني اختر د مبارکۍ په پار جوړې شوې غونډه کې د ملي شرکت کارکوونکو ته د اختر مبارکۍ ترڅنګ په خپله وینا کې د ادارې د لید لوري، ماموریت، لاسته راوړنو، راتلونکو پلانونو او اصلاحاتو په اړه مهم ټکي مطرح کړل. محترم عبدالرحمن عطاش د ملي پراختیا شرکت د موخو، ارزښتونو او اوږدمهاله ستراتیژۍ په اړه معلومات ورکړل او ټینګار یې وکړ، چې ملي شرکت د هېواد د اقتصادي ودې، زیربنایي پراختیا او عامه پروژو پلي کولو ته ژمن دی او په وينا یې، ملي شرکت هڅه کوي، چې د هېواد ملي پراختیا لپاره د تلپاتې او بنسټیزو پروژو تطبیق ته زمینه برابره کړي. همدا راز نوموړي د ملي شرکت د روانو پروژو، لاسته راوړنو او د کارکوونکو له هڅو ستاینه وکړه او ویې ویل، چې د دې ادارې هر پرمختګ د کارکوونکو د ژمنتیا او هلو ځلو نتیجه ده، د بېلا بېلو پراختیايي پروژو یادونه یې وکړه، چې د ملي شرکت د هڅو له برکته تطبیق شوي، یو شمېر د تطبیق په حال کې دي او یو شمېر سترې او ملي برنامې به په نږدې راتلونکي کې پیل شي. محترم عبدالرحمن عطاش وویل، د کارکوونکو مسلکي پرمختګ ته باید ځانګړې پاملرنه وشي، څو [...]

چهارشنبه ۱۴۴۶ ھ ق کال شعبان ۲۰مه/ ۱۴۰۳ هـ ش کب په ۱ نېټه د کرنې، اوبو لګولو او مالدارۍ وزارت د سرپرست مولوي عطاءالله عمري په مشرۍ د افغانستان اسلامي امارت یو لوړ پوړي پلاوي د قوش‌تېپې ستر او ملي کانال د اوسني وضعیت او پرمختګ څخه د لیدنې په موخه شمالي ولایتونو ته سفر وکړ او هلته یې د ملي پراختیا شرکت له عمومي اجرائیوي رئیس عبدالرحمن عطاش سره ولیدل. نوموړي پلاوي د قوش تېپې کانال له بېلا بېلو برخو لیدنه وکړه او په سیمه یې له روانو چارو د خوښۍ ترڅنګ د ملي پراختیا شرکت له نه ستړې کېدونکو هڅو مننه وکړه او هم یې د هر راز همکارۍ ډاډ ورکړ. دغه راز پلاوي د اړوندو ادارو ترمنځ د همغږۍ او ګډو هڅو پر بنسټ ټینګار وکړ، چې دغه پروژه د اوبو د مدیریت او اقتصادي ودې په برخه کې د افغانستان د اسلامي امارت ستراتیژیک هدفونه پوره کړي. د یاده ونې وړ ده، چې نوموړې کمېټه څه موده وړاندې د رياست الوزرا اقتصادي معاونيت له لوري د اړوندو ادارو ترمنځ د قوش تېپې کانال په اړه د لا زیاتې همغږۍ رامنځ ته کولو لپاره جوړه شوې وه، چې په رأس کې یې د کرنې، اوبو لګولو او مالدارۍ وزارت سرپرست مولوي عطاءالله عمري، د ټولګټو چارو وزارت تخنیکي مرستیال مولوي عبدالکریم فاتح، د اراضي عمومي رئیس مولوي محمود مظلوم، د اوبو او انرژۍ وزارت، د اوبو [...]

پنجشنبه ۱۴۴۶ ھ ق کال رجب المرجب ۲۲مه/ ۱۴۰۳ هـ ش سلواغې په ۴مه نېټه  د امارتي شرکتونو لوی رئیس مولوي احمد جان بلال، د ملي پراختیا شرکت عمومي اجرائیوي رئیس عبدالرحمن عطاش او مل پلاوي د هېواد شمالي ولایتونو ته د خپل رسمي سفر په ترڅ کې د قوش تپې ستر او ملي کانال له سربند، دویم فاز او د کانال په مسیر کې د پلونو جوړولو له روانو چارو څخه لېدنه وکړه. په دې لېدنه کې مولوي احمد جان بلال د قوش تپې کانال پروژې اهمیت په ډاګه او دا یې د افغانستان د اوبو مدیریت او د کرنې میکانیزه کولو لپاره یوه له مهمو او ستراتېژیکو پروژو څخه وبلله. ښاغلي بلال په دې برخه کې د ملي پراختیا شرکت د رهبرۍ کړنې وستایلې او په سیمه کې تر سره شوي پرمختګونه یې له تمې څخه لوړ یاد کړل. دغه راز د ملي پراختیا شرکت عمومي اجرائیوي رئیس عبدالرحمن عطاش د امارتي شرکتونو له لوی رئیس څخه مننه وکړه، چې د قوش تپې ستر او ملي کانال د پروژې له روانو چارو څخه یې له نږدې لېدنه وکړه. ښاغلي عطاش د خپلو خبرو په ترڅ کې هېواد والو ته ډاډ ورکړ، چې د قوش تپې ستر او ملي کانال چارې په ټولو اړینو معیارونو برابرې په خورا چټکۍ سره د افغاني انجنیرانو له لوري پرمخ روانې دي. د یادولو وړ ده، د قوش تپې ستر او ملي کانال [...]

نیته ۱۴۰۳/۷/۷ د آغا جان بند چې د ارزګان ولایت د چنارتو ولسوالۍ کې پروت دی، د سروی او ډیزاین چارې یې د 14۰۳/۰۷/۰۷ مه نېټه د ا.ا.ا  د ریاست الوزراء اقتصادي مرستیال ښاغلي ملا عبدالغني برادر، د ملي پراختیا شرکت مسئولینو، د اوبو او انرژۍ وزارت مسئولینو، د ارزګان ولایت مسئولینو، قومي مشرانو او ځایي اوسېدونکو پر ګډون او موجودیت کې پیل شوې. د نوموړي بند، سروی او ډیزاین چارې د ا.ا.ا د مشرتابه عالي مقام د حکم پر بنسټ، ملي پراختیا شرکت ته سپارل شوی دی او په دغه برخه کې د ملي پراختیا شرکت مسئولین ژمن دی چې د نوموړي بند چارې به په معیاري او چټک ډول پر مخ وړي او پروژه به پر ټاکلې نېټه، ګټې اخیستنې ته سپاري.