دغه بند چې د ملي پراختیا شرکت بنایي و دانیز ریاست له لوري جوړیږي ۲۶۰ متره اوږدوالی، ۲۸۰متره سور، ۴۷ متره لوړوالی او د ۲۹۳ کیلو واټه بریښنا د تولید وړتیا به ولري او همدارنګه ۲۳۰۰ هکټاره ځمکه به خړوبه کړي.

دوشنبه ۲۱ چنګاښ۱۴۰۰ په تخار ولایت کې د تازه میوو او سبزیو د ساتلو لپاره یوه معیاري سړه خونه د جوړیدو په حال کې ده. دغه سړه خونه په ۲ زره متر مربع مساحت ځمکه کې جوړیږي چې ټول اړین ملحقات یې له ورځنیو معیارونو سره برابر په پام کې نیول شوي دي او په یو وخت کې به د ۱۵۰۰ متریک ټنه تازه میوو او سبزیجاتو د ساتنې ظرفیت ولري. یاده سړه خونه دملي پراختیا شرکت د بنایي ودانیز ریاست له لوري جوړیږي چې مالي لګښت یې جمهوري ریاست ملاټړې ادارې لخوا ورکول کیږي. ددې سړې خونې په جوړیدو سره به د تخار ولایت بزګرانو ستونزې تر ډیره بریده هوارې شي. د یادونې وړده چې اوسمهال په بیلابیلو ولایتونوکې ۱۴ بابه معیاري سړې خونې دملي پراختیا شرکت له لوري د جوړیدو په حال کې دي.

یکشنبه ۲۰ چنګاښ ۱۴۰۰ د خوست مندوزیو ولسوالۍ جامع جومات د جوړیدو چارې ګړندې روانې دي چې ډیر ژر به بشپړې او ګټې اخیستنې ته وسپارل شي. دغه جومات په ۲ زره متر مربع مساحت ځمکه باندي د ټولو اړینو ملحقاتو سره، د ملي پراختیا شرکت بنايي ودانیز ریاست له لوري د جمهوري ریاست عملیاتي ادارې په مالي لګښت جوړیږي چې په یو وخت کې به د ۶۰۰ تنه لمونځ کوونکو د ځاییدو ظرفیت ولري. د یادونې وړده چې د خوست ولایت په بیلابیلو ولسوالیو کې د ورته جوماتونو د جوړیدو چارې د ملي پراختیا شرکت له لورې روانې دي.

یکشنبه ۲۰ چنګاښ ۱۴۰۰ د کندهار ولایت په صنعتي پارکونو کې د داخلي سړکونو رغنیزې چارې په شوراندام سیمه کې پیل شوې. دغه سړکونه په دوو فازونو(شمال او لودیځ) کې جوړیږي چې د لودیځ فاز اوږدوالی يې څه د پاسه ۳ کیلومتره او سور يې ۱۴ متره دی او د شمال سړک اوږوالی يې ۱۲ کیلو متره او سور يې ۹ متره دی. یاد سړکونه د ملي پراختیا شرکت افغاني ودانیز ریاست له لوري جوړیږي چې مالي لګښت يې د جهموري ریاست عملیاتي ادارې له خوا ورکول کیږي. دا په داسې حال کې ده چې د ترینکوټ - شاولیکوټ ترمنځ د ۲۴ کیلومتره سړک دجوړیدو او سفالت چارې هم دملي پراختیا شرکت له لوري پیل شوي دي

شنبه ۱۹ چنګاښ۱۴۰۰ ملي پراختیا شرکت د ولسمشر محمد اشرف غني د هدایت په اساس، د اوبو منابعو نه د ګټې اخیستلو، د وارداتو کمول او د برق ستونزې د حل په موخه د کابل ولایت سروبي ۲ بندعملي چارې په سروبي ولسوالۍ کې پیل کړي. دغه بند د ۱۸۰ میګاواټه بريښنا د تولید وړتیا لري چې مالي لګښت يې د ملي پراختیا شرکت له خوا ورکول کیږي اورغنیزې چارې یې د همدې شرکت اړوند افغاني ودانیز ریاست پرغاړه لري. د سروبي ۲ بند دجوړیدو چارې د ملي پراختیا شرکت له لوري په داسي حال کې پیل کیدونکې دي چې کابل ښار د بریښنا له کمبود سره مخ دی او ددې بند په جوړولو سره به د پلازمینې دا ستونزه ترډیره بریده هواره شي.

پنجشنبه ۱۷ چنګاښ ۱۴۰۰ هغه لیدنه چې د ملي پراختیا شرکت عمومي اجراییوي رییس عبدالرحمن عطاش ددې شرکت د څلورګونو ودانیزو ریاستونو له مرستیالانو، صکوکو مطبعې اود دارالامان اداري کمپلکس پروژو له مسؤلینوسره درلوده د پروژو پراوسني وضعیت او اهمیت خبرې وکړې، هغوی ته یې لارښوونه وکړه؛ ترڅو د یادو پروژو په تطبیق کې تخنیکي مسایل اوسرعت په پام کې ونیسي. په دې لیدنه کې د پروژو مسؤلینو ژمنه وکړه چې د پروژو په تطبیق کې به د رهبرۍ سپارښتنې په بشبړه توګه عملي کړي. د دارالامان اداري کمپلکس او صکوکو مطبعې پروژې له مهمو پروژو څخه شمیرل کیږي چې په بشپړیدو سره به یې د هیواد والو ډیرې ستونزې هوارې شي.